മലയാളം ക്ലാസ്സുകള്‍ മാര്‍ച്ച് 1 മുതല്‍ ആരംഭിക്കുന്നു

#മധുരമെൻമലയാളം

⚜⚜⚜⚜⚜⚜⚜⚜⚜⚜⚜⚜

പ്രീയമുള്ളവരേ.,
നാളെ മുതൽ മലയാളം ക്ലാസ്സുകൾ ആരംഭിക്കുകയാണ്.
മലയാളം ഒരു സ്വതന്ത്രഭാഷയാണെന്ന് ആദ്യമായി ലോകത്തോടു പറഞ്ഞത് ലീലാതിലകത്തിന്റെ രചയിതാവാണ്. ഭാഷ പലപല കാലഘട്ടങ്ങളിലൂടെ കടന്നുപോയ്ക്കൊണ്ടിരിക്കുന്നു. വളരെയേറെ ഭാഷാപ്രയോഗങ്ങൾ അന്യംനിന്നുപോയിട്ടുണ്ട്. ഗുണകരമായ പല മാറ്റങ്ങളും സംഭവിച്ചിട്ടുണ്ട്.ഇപ്പോൾ മലയാളം എഴുതുവാനും വായിക്കുവാനും അറിയാത്ത ഒരു തലമുറയാണ് വളർന്നുവരുന്നത്. അതു കൊണ്ട് തന്നെ പരീക്ഷാ വിജയത്തിനായി മാതൃഭാഷ നമ്മൾ പ്രത്യേകമായി വീണ്ടും പഠിക്കേണ്ടിയിരിക്കുന്നു.

PSC യിൽ മാതൃഭാഷയിൽ നിന്നും 10 മാർക്കിന്റെ ചോദ്യങ്ങളാണ് LDC പരീക്ഷയ്ക്ക് ചോദിക്കുന്നത്. ഭാഷയിൽ സാമാന്യ പരിജ്ഞാനം ഉള്ളവർക്ക് 5 മാർക്ക് ഉറപ്പായും ലഭിക്കും. ശേഷിക്കുന്ന 5 മാർക്കും നേടി ഈ മേഖലയിലെ മുഴുവൻ മാർക്കും നേടാൻ കഴിയുന്ന തരത്തിലുള്ള പരിശീലനമാണ് നമ്മൾ ഉദ്ദേശിക്കുന്നത്.

വ്യാകരണസംബന്ധിയായ പഠനഭാഗങ്ങളോടൊപ്പം ഭാഷാശുദ്ധി അടിസ്ഥാനമാക്കിയുള്ള ക്ലാസ്സുകളും ഉണ്ടാകും.

#മധുരമെൻമലയാളം എന്നാണ് ക്ലാസ്സിന് നൽകിയിരിക്കുന്ന പേര്. ആഴ്ചയിൽ 3 ദിവസമാണ് മലയാളം ക്ലാസ്സിനായി മാറ്റി വച്ചിരിക്കുന്നത്.

പന്മന രാമചന്ദ്രൻ നായരുടെ
'തെറ്റും ശരിയും'
'തെറ്റില്ലാത്ത മലയാളം'
'ശുദ്ധമലയാളം'

എന്നീ പുസ്തകങ്ങൾ പഠനത്തിനായി നിങ്ങൾക്കുപയോഗിക്കാവുന്നതാണ്. പണം കൊടുത്തു വാങ്ങണമെന്നില്ല.നിങ്ങളുടെ നാട്ടിലെ ലൈബ്രറികളിൽ ഈ പുസ്തകം ലഭിക്കും. 
മലയാള വ്യാകരണം ആരംഭകാലം മുതൽ തന്നെ നിരവധി തർക്കങ്ങൾക്കും നിരൂപണങ്ങൾക്കും വിധേയമായി പരിവർത്തനം ചെയ്യപ്പെട്ടുകൊണ്ടിരിക്കുന്ന ഒന്നാണ്. ബൃഹത്തായ ആ ഭാഷാ വ്യാകരണം മുഴുവനായി പഠിക്കേണ്ട ആവശ്യം നമുക്കില്ല .അതിനാൽ PSC യ്ക്ക് ചോദിക്കാൻ സാധ്യതയുള്ള മേഖലകൾ മാത്രമേ നമ്മൾ ക്ലാസ്സിൽ ഉൾപ്പെടുത്തുന്നുള്ളൂ.

സഹകരണം പ്രതീക്ഷിച്ചുകൊണ്ട്,

അഡ്മിൻ ടീം.