നമ്മുടെ ഗ്രൂപ്പിൽ നാളെ മുതൽ ഇംഗ്ലീഷ് ഗ്രാമര്‍ ക്ലാസ്സുകൾ ആരംഭിക്കുകയാണ്.
മറ്റുള്ള ഭാഷകളെങ്ങനെയോ ആകട്ടെ, ഇംഗ്ലീഷ് ഭാഷയ്ക്ക് ഒരു പ്രത്യേകതയുണ്ട്..
അത് കുസൃതികളേറെയുള്ള ഒരു കാമുകിയെപ്പോലെയാണ്.
നമ്മുടെ ചിന്തകളെ..
സങ്കൽപ്പങ്ങളെ..
സ്വപ്നങ്ങളെ...
അവളെ നാം എന്നോ മനസ്സിലാക്കിയെന്ന നമ്മുടെ നാട്യത്തെയൊക്കെ അവൾ പരിഹസിച്ച് പൊട്ടിച്ചിരിക്കും.
ഒരിക്കലും പിടിതരാതെ മറഞ്ഞിരുന്ന് വള കിലുക്കി മോഹിപ്പിക്കും.
ഒടുവിൽ പിന്നാലെ നടന്ന് നമ്മുടെ ചെരുപ്പ് തേയുമ്പോൾ...നിന്നെ ഞാനെന്നോ സ്വന്തമാക്കിയതല്ലേ എന്നഭിനയിച്ച് മറ്റുള്ളവരുടെ മുന്നിൽ ജയഭേരി മുഴക്കി ഞെളിഞ്ഞ് നിൽക്കുമ്പോഴും...
ഉള്ളിൽ പരാജയ ഭീതിയുടെ കരച്ചിലൊളിപ്പിച്ചു വയ്ക്കേണ്ടി വന്ന ഒരു നിരാശാ കാമുകനാക്കും ഇവൾ നമ്മളെ...
ഇങ്ങനെയൊരു താരതമ്യം നടത്തിയത് ഇംഗ്ലീഷ് ഭാഷയെന്ന മഹാസാഗരത്തിന്റെ ആഴവും പരപ്പും വ്യക്തമാക്കാൻ വേണ്ടി മാത്രമാണ് .
ആരെയും ഇംഗ്ലീഷ് ഭാഷാ പണ്ഡിതൻമാരാക്കുക എന്നതല്ല ഈ പഠന പദ്ധതിയുടെ ലക്ഷ്യം. LDC പരീക്ഷയ്ക്ക് ഈ മേഖലയിൽ നിന്നും ചോദിക്കുന്ന 20 ചോദ്യങ്ങളിൽ 15 എണ്ണത്തിനെങ്കിലും ശരിയുത്തരം നേടാൻ പര്യാപ്തമാക്കുക എന്നത് മാത്രമാണ് ലക്ഷ്യം. അതിന് വേണ്ടിയുള്ള കാര്യങ്ങൾ മാത്രമാവും ക്ലാസ്സിൽ ഉൾപ്പെടുത്തുക.
#easy_English എന്നാണ് ക്ലാസ്സിന് നൽകിയിരിക്കുന്ന പേര്.
ഇംഗ്ലീഷ് ഗ്രാമര്‍ ക്ലാസുകളാണ് നാളെ മുതല്‍ ആരംഭിക്കുക.
മുമ്പ് ആരംഭിച്ച ഭാഗം ഒന്ന് ഇതോടൊപ്പം മുടക്കമില്ലാതെ തുടരും.
ഇംഗ്ലീഷ് ഗ്രാമര്‍ ക്ലാസ് ആഴ്ചയില്‍ രണ്ടു ദിവസവും ഭാഗം ഒന്ന് ആഴ്ചയില്‍ ഒരു ദിവസവും ആകും ഉണ്ടാകുക. ആകെ ഇംഗ്ലീഷ് ക്ലാസ് ആഴ്ചയില്‍ മൂന്നു ദിവസം ഉണ്ടാകും.
ആശംസകൾ...
അഡ്മിൻ ടീം.
No comments:
Post a Comment